يا بحر ..فيني من الحزنــ

**snow_white1985** الخميس نوفمبر 13, 2008 3:56 am

يا بحر ..فيني من الحزنــ

--------------------------------------------------------------------------------

يابحـر .. فينـي مـن الحـزن .. كثـر مافيـك ..

من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..

ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..

وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..

دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..

إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..

ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..

يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..

وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..

ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..

أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..

لأني .. أنا .. والموج .. صرنـا .. حبايـب !!

اتمنـــى تنال اعجـــابكم

**زهرة الجمال** الخميس نوفمبر 13, 2008 9:03 am

شعر حلو عاشت الايادي

**snow_white1985** الخميس نوفمبر 13, 2008 12:47 pm

عفوا حبيبتي وتسلم ايديج

يا بحر ..فيني من الحزنــ

يا بحر ..فيني من الحزنــ

رد: يا بحر ..فيني من الحزنــ

رد: يا بحر ..فيني من الحزنــ