ابو ذيه شعر عراقي

**عمار كوسوفي** السبت نوفمبر 01, 2008 6:28 am

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
حسين النشا وي طه وتربه
عين المحب شبحتله وتربه
اله كبه مذهبه او مرقد وتربه
بيهه الشفه من رب البريه
هتك روحي جفاهم وج اهلهه
عله الناكر تعبه والجهلهه
تهم باطل حبيبي وجهلهه
وهيه من التهم كله بريه

**Admin** الأحد نوفمبر 02, 2008 8:12 am

شكرا عمار على الشعر الرائع

**زهرة الجمال** الأحد نوفمبر 02, 2008 10:25 am

ابوذية اكثر من روعة

ابو ذيه شعر عراقي

ابو ذيه شعر عراقي

رد: ابو ذيه شعر عراقي

رد: ابو ذيه شعر عراقي